1. Forum
  2. USENET
  3. alt.language.latin

  • Quo se recipiunt aves cum pluit?

    From Ed Cryer@ed@somewhere.in.the.uk to alt.language.latin on Tue Jan 14 20:46:54 2025
    From Newsgroup: alt.language.latin

    Perfugium venti imbrisque petunt sub virgultis densis vel dumetis, iuxta truncos arborum gravium, latere a vento tecto nemorum silvarumque.
    Nonnumquam aedificiis hominum utuntur; liminibus fenestrarum vel
    porticibus vel suggrundis.
    Anates et anseres et aliae aves aquam amantes alium consilium capiunt;
    se lavant cum pluit. In modum enim plurimorum generum avium sua corpora
    oleo linunt de glandula in posteriore parte corporis sita. Suas plumas
    aves amant comere. Quare? Oleum de glandula rostris sumunt et id diffundunt.

    Quomodo se contra frigora custodiunt? Nix et pruina et tempestates
    hiemis me domum compellunt, nam non habeo plumas tam ingeniose factas,
    quae calorem miro modo retinent.

    Edus
    --- Synchronet 3.21d-Linux NewsLink 1.2